என்னை கவர்ந்த ஆங்கில நாடகங்கள் - பாகம் 1

வணக்கம் நண்பர்களே,

2013 ஆம் ஆண்டு எழுத ஆரம்பித்து டிராப்ட் இல் இருந்த பதிவு, இப்பொழுது தான் வெளிச்சத்தை பார்க்கிறது.

ஆங்கில படங்கள் மட்டும் அல்லாது ஆங்கில நாடகங்கள் பலவும் பிரமாண்டமாகவும், பல வகைகள் சார்ந்ததாகவும் இருக்கும். நமது தமிழ் நாடகங்கள் போல ஒரே அழுகாச்சி காவியமாக இருக்காது.

பொதுவாக எனக்கு பிடித்த வகைகள் ஆக்சன்/த்ரில்லர்/மிஸ்டரி. சூப்பர் ஹீரோ/பாண்டஸி, மற்றும் கார்டூன். இவ்வகைகளில் பல நாடகங்கள் உள்ளன. அவ்வாறாக நான் பார்க்கும் நாடகங்களின் எண்ணிக்கை 35 க்கும் மேலே.

ஆங்கில நாடகங்களின் நல்ல விஷயம் எல்லோருக்கும் பிடித்த வகையில் ஒரு நாடகமாவது இருக்கும். திரைப்படங்களுக்கு நிகரான தரமானதான படைப்புகள் இருக்கும்.

நான் பார்க்கும் நாடகங்கள் வகைகள் வாரியாக

ஆக்சன்/த்ரில்லர்/மிஸ்டரி :

Castle : 2009 - 2016 : 8 Seasons

Hannibal : 2013 - 2015 : 3 Seasons

Homeland : 2011 - Till Date : 5 Seasons

How to get away with Murder : 2014 - Till Date : 2 Seasons

Limitless : 2016 - Till Date : 1 Seasons

Luther : 2010 - Till Date : 4 Seasons

Orphan Black : 2013 - Till Date : 4 Seasons

Perception : 2013 - 2015 : 3 Seasons

Person Of Interest : 2013 - 2016 : 5 Seasons

Scorpion : 2014 - Till Date : 2 Seasons

Scream : 2015 - Till Date : 1 Season

Sherlock : 2010 - Till Date : 3 Seasons + 1 Special Episode

Spartacus : 2010 - 2013 : 3 Seasons + 1 Prequel Season

Suits : 2011 - Till Date : 5 Seasons

The Blacklist : 2013 - Till Date : 3 Seasons

The Mentalist : 2008 - 2015 : 7 Seasons

The Listener : 2009 - 2015 : 5 Seasons

Supernatural : 2005 - Till Date : 11 Seasons


சூப்பர் ஹீரோ/பாண்டஸி:

Arrow : 2012 - Till Date : 4 Seasons

Constantine : 2014 : 1 Season

DC's Legends of Tomorrow : 2016 - Till Date : 1 Season

Daredevil : 2015 - Till Date : 2 Seasons

Gotham : 2015 - Till Date : 2 Seasons

Jessica Jones : 2016 - Till Date : 2 Seasons

Agent Carter : 2015 - 2016 : 2 Seasons

Agent's of Shield : 2013 - Till Date : 3 Seasons

Supergirl : 2016 - Till Date : 1 Season

The Flash : 2015 - Till Date : 2 Seasons

Game of Thrones : 2010 - Till Date : 6 Seasons

The Musketeers : 2014 - 2016 : 3 Seasons
Vikings : 2013 - Till Date : 4 Seasons


கார்டூன்:

Avatar - The Last Airbender : 2005 - 2008 : 3 Seasons

Dragons - Riders of Berk : 2012 - Till Date : 4 Seasons

The Legend of Korra : 2012 - 2014 : 4 Seasons


இவை அல்லாது பல ஒரு சீசன் நாடங்கங்களும் அடங்கும்.

மேலே இருக்கும் அனைத்து நாடகங்களுமே எனக்கு மிகவும் பிடித்திருந்தது.

இனி இத்தொடர் பதிவுகளில் Best of the Best நாடகங்களை பற்றி சில கருத்துக்களை பதிய முயல இருக்கிறேன்.

பொதுவாக அனைத்து நாடங்களிலும் இருக்கும் பொதுவான விஷயம் அதில் வரும் கதாபத்திரங்களின் மீது ஒரு வித பிடிப்பை பார்பவர்களுக்கு ஏற்படுத்திவிடுகிறது. அவர்கள் சந்தோசமாக இருந்தால் நாமும் சந்தோசமாக இருப்போம், அவர்களுக்கு கஷ்டம் என்றால் நாமும் வருத்தப்படுவோம். அவ்வகையில் தமிழ் நாடகங்களும் இவ்வைகளும் ஒன்றே.


Sherlock :





நான் முதல் முதலாக பார்த்த நாடகம் Sherlock - உலக புகழ் வாய்ந்த துப்பறிவாளர் இப்பொழுது வாழ்வதாக கற்பனை செய்திருகிறார்கள்.

அதன் முதல் அத்தியாயத்தை பற்றிய எனது பதிவை படிக்க கிளிக் செய்யவும்.

இது வரை 3 சீசன்கள் வந்துள்ளன. ஒவ்வொரு சீசனுக்கும் 3 அத்தியாயங்கள்.

எனக்கு மிக மிக பிடித்தது Sherlock ஆக நடித்துள்ள Benedict cumberbatch மற்றும் Watson ஆக நடித்துள்ள Martin Freeman ஆகியோரின் நடிப்புதான். அவர்களுக்குள் இருக்கும் chemistry மிக அருமையாக இருக்கும்.

சமீபமாக கிறிஸ்துமஸ் ஸ்பெசலிற்காக 16 ஆம் நூற்றாண்டில் இருவரும் இருபதான கற்பனையில் ஒரு அத்தியாயம் வந்தது.





மூன்றாம் சீசனின் முடிவில், இரண்டாம் சீசன் முடிவில் இறந்த மொரியார்ட்டி மீண்டும் உயிரோடு வருவதாக காண்பித்திருப்பார்கள், அதனால் ஷெர்லாக் தனது மெமரி பேலசிற்கு சென்று அதற்குண்டான சாத்திய கூறுகளை ஆராய்வதாக இருக்கும் இந்த அத்தியாயம்.

கண்டிப்பாக sherlock ரசிகர்கள் அனைவரும் மிஸ் செய்யக்கூடாத ஒரு நாடகம். எனது வரிசையில் முதல் இடம்.

Game of thrones:

அடுத்ததாக நான் பார்க்க ஆரம்பித்த நாடகம் இது.
Sherlock கிற்கு முன்பே நண்பன் ஒருவன் இதன் முதல் சீசன் டவுன்லோட் கொடுத்திருந்தான்.ஆனால் நான் பார்க்காமல் இருந்தேன். Sherlock மூலம் நாடகங்கள் அறிமுகமானவுடன் இதனை பார்கலாம் என்று ஆரம்பித்தேன். 

ஆனால் பார்க்க பார்க்க ஆர்வம் தாங்காமல் அதுவரை வந்திருந்த 3 சீசன்களையும் டவுன்லோட் செய்து ஒரே தம்மில் பார்த்து முடித்தேன். அவ்வளவு நன்றாக இருக்கும்.









7 நாடுகள் அவர்களுக்குள் நடக்கும் யுத்தம்,பழிவாங்குதல்,துரோகம்,காதல் என பல பரிமாணங்கள் நிறைந்தது.

மேலே உள்ள படத்தை பார்த்து பயம் கொள்ளவேண்டாம் ஆரம்பத்தில் தொடருவதற்கு சற்று சிரமாக இருந்தாலும் பின் பழகிவிடும்.

இந்த நாடகம் அதன் பெயரிலேயே வரும் புத்தகங்களை சார்ந்து எடுக்க படுபவை. இத்தொடருக்கென வெறித்தனமான ரசிகர்கள் பட்டாளம் உள்ளது. சமீபத்தில் இக்கதையில் வரும் ஒரு கதாபாத்திரமான ஜான் ஸ்னோ 5 ஆம் சீசன் முடிவில் இறப்பதாக காண்பித்து அவன் மீண்டும் உயிர்பெருவான இல்லையா என்பதை உலகம் முழுவதும் பேச வைத்தார்கள்.

இதற்கு ஒரு நல்ல உதாரணம், அமெரிக்க ஜனாதிபதி ஒபாமா இதன் வெறித்தனமான ரசிகர், இப்பொழுது ஒளிபரப்பாகிக் கொண்டு இருக்கும் 6 ஆம் சீசனின் முதல் 5 அத்தியாயங்களை ஒளிபரப்புவதற்கு முன்பே தனது மாளிகையில் ப்ரெத்தியேகமாக கண்டு இருக்கிரார்.

இந்நாடகத்தின் தனித்துவம் நாடாகத்தில் நாம் யாரை மிக முக்கியமான கதாபாத்திரமாக நினைகிறோமோ அவர்களை நாம் எதிர்பாரா சமயம் கொல்வதே. மற்றும் ஒரு விஷயம் அதில் வரும் அதிகமான நிர்வாண காட்சிகளே. முதல் சீசனிர்க்கு பின்பு சற்று குறைந்துள்ளது.

கண்டிப்பாக வயது வந்தவர்கள் யாரும் தவறவிட கூடாத ஒரு நாடகம்.

எனது வரிசையில் இதற்கும் முதல் இடம்.

The Mentalist:

அடுத்து எனது வரிசையில் இருக்கும் நாடகம் இது.

Patrick Jane ஒரு mentalist, மக்களிடம் ஆவிகளுடன் பேசுவாதாக கூறி ஏமாற்றி, ஆட்களிற்கு தகுந்தால் போல் ஆவர்கள் மனதில் இருப்பதை அறிந்து பேசுவதில் கில்லாடி.

ஒரு முறை தொலைகாட்சி பேட்டி ஒன்றில் சீரியல் கில்லர் ரெட் ஜான் என்பவனை பற்றி தவாறாக கூறி அவனது கோவத்திற்கு ஆளாகிவிடுகிறான்.

ரெட் ஜான் அவனது மனைவி மற்றும் குழந்தையை கொடூரமாக கொன்றுவிடுகிறான்.

மனதுடைந்து போகும் ஜேன் தனது குடும்பத்தை கொன்றவனை கண்டுபிடிப்பதற்காக California Bureau of Investigation போலீசிடம் கன்சல்டண்ட்டாக சேர்கிறான்.

இந்த நாடகத்தில் எனக்கு மிகவும் பிடித்தது ஜேன் ஆக வரும் சைமன் பேக்கரின் நடிப்பு. ஒவ்வொரு அத்தியாத்திலும் குற்றம் செய்தவர்களை பிடிக்கும் முறை. அடுத்து இந்நாடகத்தில் வரும் மற்றைய கதாபாத்திரங்களின்  அமைப்பு. 

சென்ற வருடம் 7 சீசனுடன் இந்த நாடகம் நிறைவுற்றது. பொதுவாக பிரபலமான நாடகங்களில் இருக்கும் குறை அதன் முடிவுதான். ரெட் ஜான் யாராக இருக்கும் என்ற சஸ்பென்ஸ் 5 ஆம் பாகம் நடுவில் கூறி இருப்பார்கள். அதற்கு சரியான ஜஸ்டிபிச்கேசன்  இருக்காது. 

சஸ்பென்ஸ் த்ரில்லர் பிடித்தவர்கள் மிஸ் செய்யகூடாத ஒரு தொடர்.










Person of interest:

அடுத்து Person of Interest நாடகம் நண்பர் லக்கி தமிழ் அவர்களின் பரிந்துரையில் பார்க்க ஆரம்பித்த நாடகம். புகழ் வாய்ந்த சயன்ஸ் பிக்சன் இயக்குனர் க்றிஸ் நோலன் சகோதரர் ஜானதன் நோலன் அவர்களின் உருவாக்கம்.

உலகம் முழுவதும் உள்ள அனைவரும் கண்காணிக்க படுகிறோம். தெருக்களில் இருக்கும் கேமரா, வீட்டு கணினியில் இருக்கும் கேமரா மற்றும் அலைபேசி உரையாடல் என பல வாரக நம்மை கண்காணிக்க கூடிய Artificial Intelligence ஒன்றை அரசாங்கத்திற்காக உருவாக்குகிறார் ஒருவர்.

 பயங்கரவாதத்தை கண்டுபிடிக்க உருவாக்கப்பட்ட மெசின் உள்ளூர் குற்றங்களையும் கண்டுபிடிக்கிறது. ஆனால் அதனை அரசாங்கம் கண்டுகொள்வதில்லை, அதனால்  அதனை உருவாகிய பணக்காரர் சொந்த செலவில் மற்றும் ஒரு முன்னாள் ராணுவ அதிகாரி ஒருவரை வேலைக்கு அமர்த்தி மக்களை குற்றங்களில் இருந்து காப்பாற்ற முயற்சிக்கிறார்.










இந்த நாடகம் தற்பொழுது ஒளிபரப்பாகிக் கொண்டு இருக்கும் 5 ஆம் சீசனுடன் நிறைவுறுகிறது. தற்பொழுது The Machine (நல்ல AI) மற்றும் Samaritan (கெட்ட AI) இரண்டுக்கும் நடுக்கும் யுத்தம் பற்றி பொய் கொண்டு இருக்கிறது.

சயன்ஸ் பிக்சன் ரசிகர்கள் மிஸ் செய்யகூடாத தொடர்.

-தொடரும்.

Read More

லண்டனில் காமிக்ஸ் மார்கெட்

 வணக்கம் நண்பர்களே,

சென்ற பதிவில் நான் லண்டனில் இருப்பதை அறிந்து நண்பர் Muthufan  அவர்கள் இங்கு நடக்கும் புக் மார்கெட் பற்றிய தகவல்களை மெயில் அனுப்பிருந்தார். அங்கு சென்று வந்த எனது அனுபவமே இந்த பதிவு.

அதன் சுட்டி கீழே.

http://londoncomicmart.co.uk/index.html

மாதம் ஒரு முறை லண்டன் ராயல் நேசனல் ஹோட்டலில் பல பழைய காமிக்ஸ் கடைகள் ஒன்று சேர்ந்து நடத்துகிறார்கள். இம்மாதம் 21 ஆம் தேதி (இன்று) நடப்பதை அறிந்து கண்டிப்பாக செல்ல முடிவு செய்திருந்தேன்.

இங்கு செல்வது முடிவானவுடன் என்ன கிடைக்கும் என்ற எதிர்பார்ப்பு ஏற்பட்டது. ஏற்கனவே லயன் ஆண்டு மலர் மற்று இதர காமிக்ஸ் வாங்கி பெட்டியை நிரப்பியாயிற்று ஏற்கனவே சொன்னது போல இனி புதிதாக வாங்க எடை பற்றாது.

இருந்தும் எனக்கு கிடைக்காமல் ஏமாற்றம் அளித்தது நண்பர் டெக்ஸ் சம்பத் கேட்டிருந்த டெக்ஸ் ஆங்கிலத்தில் இங்கிலாந்தில் பப்ளிஸ் செய்திருந்த Western Classics புத்தகங்களே.

மற்றும் நண்பர் Muthufan அவர்களும் Fleetway Comapanion புத்தகம் பயனுள்ளதாக இருக்கும் என்று கூறி இருந்தார். ஆகவே என்னிடம் இருக்கும் சில புத்தகங்களை கொடுத்து விட்டு வேறு வாங்கிவரலாம் என்று எண்ணி இருந்தேன்.

புத்தகங்கள் வாங்குவதை விட பலரை சந்தித்து பிரிட்டிஷ் காமிக்ஸ் பற்றி அறிய ஒரு வாய்ப்பாகவும் இருக்கும் என்று நண்பர் கூறினார்.

இன்று காலை சில புத்தகங்களை எடுத்துக்கொண்டு கிளம்பினேன். மதியம் 1 மணி அளவில் சென்று சேர்ந்தேன். ஒரு பெரிய ஹாலில் பல கடைகள் இருந்தன . நுழைந்த முதல் கடையில் இருந்த மனிதரிடம் நண்பர் கூறிய Fleetway Comapanion புத்தகம் பற்றி கேட்டேன், சிறிது யோசித்து ஆம் அப்படி ஒரு புத்தகம் வந்தாகவும் அவரிடம் இல்லை என்று கூறினார்.

பின்னர் நெட்டில் இருந்து டெக்ஸ் ஆங்கில புத்தக அட்டைப்படங்களை காண்பித்து கேட்டேன். ஆம் ஒரு முறை முயற்சியாக அப்படி வந்தது என்று அது கிடைப்பது மிகவும் அரிது என்றும் கூறினார். அடுத்து ஸ்டீல் க்ளா புத்தகங்கள் இருக்குமா என்று கேட்டேன், இல்லை என்று கூறினார்.

மேலும் அவர் மட்டுமே ஒரு சில பிரிட்டிஷ் காமிக்ஸ் வைத்திருப்பதாகவும் வேறு கடைகளில் அது கூட கிடையாது என்றும் கூறினார். எனது எதிர் பார்ப்பு அனைத்தும் நொறுங்கி போனது.  பின்னர் ஹாலை சுற்றிவந்து பார்த்ததில் அவர் கூறியது எவ்வளவு உண்மை என்று தெரிந்தது.

எங்கு நோக்கினாலும் மார்வல் மற்றும் DC காமிக்ஸ் புத்தகங்களே இருந்தன.
சில்வர் மற்றும் பிரான்ஸ் கால காமிக்ஸ்கள் இருந்தன. அனைத்து ஹீரோக்களுடைய அனைத்து வகையான காமிக்ஸ்களும் இருந்தன.

ஒரு சில DVD கடைகள் இருந்தன. நம்ம ஊரை போல அங்கு ஒருவர் திருட்டு DVD ரிப்புகள் விற்றுக்கொண்டு இருந்தார்.

நான் பேசிய நல்ல மனிதர் 

எனக்கு எப்பொழுதுமே மார்வல் மற்றும் DC காமிச்களில் ஆர்வம் இருந்ததில்லை, படங்கள் மட்டும் தான். ஆகையால் வேறு என்ன காமிக்ஸ் தேடுவது என்றும் தெரியவில்லை.

இருந்த கொஞ்ச பிரிட்டிஷ் காமிஸ்களை நோட்டம் விட்டேன். அதிகமாக War காமிக்ஸ்களே இருந்தன. அதில் பார்த்த பொழுது கண்ணில் பட்டது. உங்களுக்கு நினைவுள்ளதா என்று கூறுங்கள். ஆங்கிலத்தில் Matt Maddock  மற்றும் அவரது குழுவின் சாகசம்.

வேறு எதுவுமே வாங்குவது போல இல்லை. அப்பொழுது ஒரு மூலையில் இருந்த பெட்டியை பார்த்தேன். அங்கு பிளாஸ்டிக் கவர்களில் அட்டை இல்லாத வெறும் தனித்தாள்கள் கூடிய புத்தகங்கள் இருந்தன. அதனை பற்றி கேட்டபொழுது அவை புத்தகங்களின் proof reading பார்பதற்காக தயார் செய்த தாள்கள் என்று கூறினார்.

நல்ல வளவளப்பான தாள்களில் நல்ல தரமான ஆர்ட் ஒர்க்கில் இருந்த வெஸ்டேர்ன் கதைகள். எடுத்து பார்த்த பொழுது பல அறிமுகமான கதைகள் இருந்தன. அதன் புகை படங்கள் கீழே.

இவை அனைத்தும் நமது ராணி காமிக்ஸ் தமிழிற்கு கொண்டு வந்த வெஸ்டேர்ன் கதை புத்தகங்கள்.

இதன் புத்தகங்கள் உள்ளதா என்று கேட்டதற்கு இல்லை என்று கூறிவிட்டார். சரி வந்ததற்கு இதாவது இருக்கட்டும் என்று வாங்கிவந்தேன். ஊரில் வந்து பைண்டிங் செய்ய வேண்டும். இக்கதைகளின் பெயர்களை நண்பர்கள் பகிர்ந்து கொண்டால் மகிழ்ச்சி.

எனக்கு மிகவும் பிடித்த மூன்று குதிரை வீரர்களின் கதைகள் இருந்தது மிக மகிழ்சி அளித்தது. கிட் கார்சன் என ராணி காமிக்ஸில் வந்த கதைகளின்  அனைத்து புத்தகங்களிலும் ஹீரோவின் பெயர் வேறு வேறாக இருந்துள்ளது.

அங்கு நான்பார்த்து வாங்க முடியாத வேறுசில புத்தகங்கள் கீழே. மாடஸ்தியின் Daily Strip ப்புகளின் தொகுப்பு.

கழுகு மலை கோட்டை புத்தகத்தின் ஒரு பக்கம்.

War லைப்ரரி புத்தகங்களாக வந்த அட்டை படங்கள் மற்றும் ஆர்ட் வோர்க்குடன் கூடிய புத்தகம்.

இவ்வாறாக ஏமாற்றத்துடன் எனது காமிக்ஸ் மார்கெட் அனுபவம் முடிந்தது.

அவ்வளவுதான் நண்பர்களே. மீண்டும் சந்திப்போம்.
கிருஷ்ணா வ வே.

Read More

லண்டனும் லயன் காமிக்ஸும்...

வணக்கம் நண்பர்களே,

எனது ப்ளாக்கின் மீள்வரவின் முதல் காமிக்ஸ் சார்ந்த பதிவு.

போனவருடம் ஆகஸ்ட் மாதம் பணி நிமித்தமாக இங்கிலாந்து செல்ல வாய்ப்பு கிடைத்த பொழுது, மனதில் எழுந்த முதல் எண்ணம் அங்கு சென்று பழைய புத்தக கடைகளை கண்டு பிடித்து மாயாவி மற்றும் ப்ளீட்வே புத்தகங்கள் சில வாங்க முயற்சி செய்ய வேண்டும் என்பதே.

பின் இங்கிலாந்து லண்டன் மாநகரம் வந்திறங்கிய பொழுது நாம் படித்த காமிக்ஸ் ஹீரோக்கள் வாழ்ந்த ஊர் தெரிந்தது. முக்கியமாக கதைகளில் வரும் இரண்டடுக்கு பேருந்துகள் லண்டனிற்கே உரிய ஒன்று. சிவப்பு கலரில் ப்ரமிப்பாக இருந்தது.

இங்கு வந்து செட்டில் ஆகி பணி பளு சற்று குறைந்தபொழுது, கூகிளில் பழைய புத்தக கடைகள் என்று தேடிய பொழுது ஒன்றும் கிடைக்கவில்லை. பின் ப்ளீட்வே புத்தகங்கள் என்று தேடிய பொழுது ஈபே லிங்குகள் கிடைத்தன. ஒரு சில பாரகுடா (லாரன்ஸ்) கதைகள் 10 பவுன்டுகளுக்கு இருந்தது.

சற்றே விலை அதிகம் என்று தோன்றியது. அப்பொழுதுதான் லயன் வருடாந்திர புத்தகங்கள் கண்ணில் பட்டன. விலையும் பாதியாக இருந்தது.
மேலும் பலகதைகள் நிறைந்துள்ளது தெரிந்தது. சரி என ஆர்டர் செய்தேன்.

இரண்டு மூன்று நாட்களில் வந்து சேர்ந்தது. அதனை பார்த்த பொழுது தான் நமது லயன் குண்டு புத்தகங்களுக்கு அது ஒரு ஆரம்பமாக இருந்திருக்கும் என்று. புத்தகத்தை கையில் ஏந்தும் பொழுதே மனதில் ஒருவித சந்தோசமாக இருந்தது.

ஹார்ட் பவுண்ட் அட்டை, பழுப்பு நிற தரமான தாள் என அட்டகாசமாக இருந்தது. அந்த தாளில் கருப்பு வெள்ளை சித்திரங்கள் அருமையாக இருந்தது. பெரும்பாலும் சிறு சித்திரக்கதைகள், மற்றும் ஒரு சில சிறு கதைகள் என கதை கதம்பமாக இருந்தது.

ஆனால் நமது லயன் குண்டு புத்தகங்களின் சிறப்பு, அது பல முழு நீள கதைகள் நிறைந்தாக இருப்பதே. பின் நமது லயனிற்கே உரிய பாக்கெட் சைஸ். ஆனால் லயன் ஆனுவலின் A4 சைஸில் படிக்க அதுவும் ஒரு தனி அனுபவமாக இருந்தது.

ஆர்வத்தில் பார்த்த புத்தகங்கள் எல்லாம் ஆர்டர் செய்தேன். ஆறு புத்தகங்கள் வாங்கியபின் பார்த்தால் ஒரு பெட்டி நிரம்பிவிட்டது. விமானத்தில் 4 பெட்டிகள் தான் கொண்டுவர முடியும், அனுமதிக்கப்பட்ட எடை 80கிலோ தான். வரும்பொழுதே கிட்சென் சாமான்கள் சேர்த்து கஷ்டப்பட்டு தான் கொண்டு வந்தோம்

இதில் போகும்பொழுது உறவினர்களுக்கு வேறு எதாவது வாங்கி செல்லவேண்டும். எப்படி அதை செய்ய போகிறோம் எனபது தான் எனது மனைவியின் இப்பொழுதைய கேள்வி :). அதனால் இனி வேறு புத்தகங்கள் எதுவும் வாங்க முடியாது என்பதே எனது கவலை :(.

நான் வாங்கிய புத்தகங்கள் லயன் Annual  1961(அட்டை கிழிந்த நிலையில்), 1968, 1970, 1972, 1973 மற்றும் 1975. அனைத்து புத்தகங்களிலும் இருந்தது நமது இரும்பு மனிதன் ஆர்ச்சியின் கதை தான். அடுத்து துப்பறியும் ஜிப் நோலனின் இரண்டு பக்க கதைகள். பின் ஒருசில புத்தகங்களில் சிலந்தி மனிதன் ஸ்பைடர் கதைகள் இருந்தது.

ஒரு சில கதைகள் கலரில் ஆர்ட் பேப்பரில் இருந்தது.

புத்தகங்களின் அட்டை மற்றும் ஒருசில உள்ளபக்கங்களின் புகைப்படங்கள் உங்களுக்காக கீழே.

 

மேலும் சில உட்பக்கங்கள் நாளை பகல் வேலையில் அப்லோட் செய்கிறேன்.

சரி இனி குண்டு புத்தகங்கள் வேண்டாம் எதாவது சிறிய புத்தகங்கள் வாங்கலாம் என்று யோசித்தபொழுது நண்பர் மகேஷ் John Havoc புத்தகங்கள் வாங்கி வர முடியுமா என்று கேட்டார். ஆனால் நான் மேலே கூறிய எடை விஷயம் பற்றி நண்பரிடம் கூறி முயற்சி செய்கிறேன் என்று கூறினேன்.

பின்னர் சரி வாங்கி பார்க்கலாம் என்று நண்பர்குக்கு ஒரு புத்தகம் ஆர்டர் செய்தேன், புத்தகத்தை நேரில் பார்த்த பெழுது சிறிய அளவில் எடை குறைவாக இருந்தது மகிழ்ச்சி அளித்தது.

உடனே நண்பருக்காக மீண்டும் ஒரு புத்தகமும் எனக்கு இரண்டு புத்தங்களும் வாங்கிக்கொண்டேன். அதன் அட்டை படங்கள் உங்களுக்காக.

புத்தகங்களை படித்துவிட்டு ஒரு சில கதைகளின் பதிவுகள் இட முயற்சி செய்கிறேன்.

அவ்வளவுதான் நண்பர்களே, மீண்டும் சந்திப்போம்.
கிருஷ்ணா வ வே

Read More

Samsung and Micromax Mobiles : MY Thoughts

வணக்கம் நண்பர்களே,

மிக நீண்ட உறக்கத்திலிருந்து மீண்டும் வந்திருக்கும் எனது ப்ளாக்.
பல காரணங்கள் இருந்தாலும் அதில் முதல் காரணம் எனது சோம்பேறித்தனம் தான்.

அதனால் எனது Domain renew செய்வதற்கு மறந்துவிட்டேன். மீண்டும் வாங்க பணம் அதிகம் கேட்டார்கள் புது Domain வாங்கிவிட்டேன்.

சரி புது Domain னுடன் சேர்த்து புதிதாக என்ன சேர்ப்பது என்று யோசித்தேன்.
காமிக்ஸ் மற்றும் சினிமா போல எனது மற்றொரு பையித்தியம் கேட்ஜட்டுகள் மீதே.

தினம் அவ்வகையில் என்ன என்ன புதிய நடப்புகள் புதிய கருவிகள் வந்துள்ளது என்று பார்பதில் தான் எனது காலை ஆரம்பமே.

ஆகையால் இனி அதனை பற்றியும் எனது தளத்தில் எழுதலாம் என முடிவு செய்துள்ளேன்.

இன்றைய காலத்தில் ஸ்மார்ட் போன்கள் இல்லாத நபர்களே இல்லை. அனைவருமே சோசியல் மீடியாவில் இருக்கிறார்கள் தங்களது கருத்துகளை எவ்வித பயமும் இல்லாமல் கோவமாகவோ கிண்டலாகவோ கூறலாம்.

அந்த ஸ்மார்ட்போன்களில் இந்தியாவில் மிக அதிகமாக விற்பனை ஆவது சாம்சங் மற்றும் மைக்ரோமெக்ஸ் ஆகிய இரண்டு கம்பனிகளின் போன்களே.

ஆனால் அவை இரண்டு கம்பனிகளையுமே எனக்கு பிடிக்கவில்லை. அவை இரண்டுமே மக்களை  ஏமாற்றுகிறார்கள் எனபது எனது கருத்து.

காரணம் வாங்கும் காசிற்கு ஏற்ப போன்களில் விஷயம் இருப்பதில்லை.
போன்களில் முக்கியமானவை

1. Processor & Gpu
போனின் மிகமுக்கியமான பாகங்கள், போனின் பலம் இவைகளை  பொறுத்தே இருக்கும்.என்னதான் நல்ல கேமரா டிஸ்ப்ளே என இருந்தாலும் அனைத்தையும் இயக்குவது இவைகளே.

Processor தயாரிபவர்களில் முதன்மையானவர்கள் Qualcomm கம்பெனியே அவர்களது Snapdragon processor கள் பலம் வாய்ந்தவை. இன்றைய காலகட்டத்தில் பெரும்பான்மையான போன்களில் இவர்களுடைய தயாரிப்புகளே இருக்கின்றன.

அடுத்து வருவது சீன தயாரிப்பான Mediatek கம்பெனியின் processor கள்.
அவர்களது தயாரிப்புகள் பெரும்பாலும் சீனாவில் தயாராகும் விலை குறைவான போன்களில் பயன்படுத்தபடுகின்றன.

அடுத்து சாம்சங் சொந்த தயாரிப்பான Exynos processor கள். அவர்களது போன்களில் மட்டுமே பயன்படுதபடிகின்றன (சமீபமாக Meizu நிறுவனம் தனது தயாரிப்புகளில் பயன்படுத்த ஆரம்பிதுள்ளர்கள்.)

சாம்சங் அவர்களது சொந்த தயாரிப்பான Exynos 1.2 Ghz Quadcore Processor களையே 8இல் இருந்து 25 ஆயிரம் வரையிலான போன்களில் பெரும்பாலும் பயன்படுத்துகிறார்கள்.

 மைக்ரோமெக்ஸ் நிறுவனம் Mediatek நிறுவனத்தின் 1.4 Ghz Quadcore Processor களை 8 முதல் 12 ஆயிரம் வரையிலான போன்களுக்கும் 2Ghz Octocore processor களை சற்றே விலை அதிகமான போன்களுக்கும் பயன்படுத்துகிறார்கள்.

விளம்பரத்தில் மட்டும் Quadcore மற்றும் Octocore Processor என்று கூறி மக்களை ஏமாற்றுகிறார்கள். இவை Snapdragon processor கள் போல பலம் வாய்ந்தவைகள் கிடையாது.

சாம்சங் அவர்களது விலை உயர்ந்த Galaxy S மற்றும் Note Series போன்களை அமெரிக்காவில் விற்கும் பொழுது Snapdragon Processor 800 Series பயன்படுத்துகிறார்கள். ஆனால் அதே போன்கள் இந்தியாவில் விற்கும் பொழுது அவர்களது சொந்த தயாரிப்பை பயன்படுத்துகிறார்கள்.

ஆனால் அங்கே விற்பதை விட இங்கே விலை அதிகம்.( அதற்கு Tax ஒரு வகையில் காரணமாக இருந்தாலும் விலை அதிகமே)  

2. Ram
எவ்வளவு அதிகமான Ram இருக்கிறதோ அதனை பொறுத்து பெரிய கேம்கள் விளையாடுவது மற்றும் பல Apps ஒரே நேரத்தில் open செய்து வைப்பதற்கு பயன்படும்.

சாம்சங் அவர்களது 25 ஆயிரம் வரையிலான போன்களில் அதிகபட்சம் அளிப்பது 1.5GB மட்டுமே, இவை இன்று ஆரம்ப விலையிலான போன்களில் கூட 2GB RAM இருக்கிறது.


3. Display
இப்பொழுது பெரும்பாலும் போன்கள் HD(720p), Full HD(1080p) மற்றும் Quad HD(2440p) ரெசல்யுசனுடன் வருகிறது.

அதிகமான ரெசல்யுசன் என்றால் திரையில் எழுத்துக்கள் தெளிவாக இருக்கும். படங்கள் பார்க்க நன்றாக இருக்கும்.

இன்னும் சாம்சங் மற்றும் மைக்ரோமெக்ஸ் நிறுவன போன்கள் qHD ரெசல்யுசனுடன் விலை 10ஆயிரம - 12ஆயிரம் விலையில் வருகின்றன.

4. Camera
பெரும்பாலும் சோனி தயாரிப்புகளே போன்களில் பயன்படுத்த படுகின்றன.
அவை தான் நல்ல தரத்துடன் இருக்கின்றன. போட்டோ தெளிவாக இருக்க கேமரா மட்டுமே போதாது கேமரா App உம் முக்கியம்.

அவ்வகையில் சாம்சங் போன் கேமரா நன்றாக இருக்கும்.
ஆனால் மைக்ரோமெக்ஸ் நிறுவனம் மட்டமானது.

5. Rom
குறைந்த பட்சம் 16GB தேவை படும் மற்றும் SD போட வசதி.
சாம்சங் 10 ஆயிரம் விலையிலான போனில் இருக்கும் Rom 8GB .

சாம்சங் மற்றும் மைக்ரோமெக்ஸ் இரண்டுமே SD வசதி கொடுத்து தப்பித்துக் கொள்கின்றன.

6. Software
என்னை பொருத்தவரை போன்கள் நன்றாக இயங்க மிக முக்கியமான தேவை அதனை இயக்கம் Software தான்.

பெரும்பான்மையான கம்பெனிகள் Android Open Source Project யினை ஆதாரமாக வைத்து அதன் மீது மாற்றம் செய்து அவர்கள் போன்களில் பயன்படுத்துகிறார்கள்.

சாம்சங் மற்றும் மைக்ரோமெக்ஸ் போன்கள் மிகவும் பின் தங்கி உள்ளது இந்த விசயத்தில் தான்.

கூகிள் நிறுவனம் Phone,Message,Mail என அனைத்து தேவைகளுக்கும் App அளித்துள்ளது ஆனால் அவை அனைத்துக்குமே மற்றொரு App செய்து அதனை அவர்களது போன்களில் சேர்த்துள்ளனர். அவைகளை நாம் பயன்படுத்த போவதில்லை ஆனாலும் அதனை நீக்கவும் முடியாது.

வெறும் இடத்தை அடைத்துக்கொண்டு இருக்கும் இதனால் அதன் செயல்திறனும் பாதிக்கப்படும்.

அடுத்து Software Update கூகிள் ஒவ்வொரு வருடமும் புது Android Version வெளியிடுகிறார்கள். அதில் பல புதிய செயல்பாடுகள் இருக்கும்.

ஆனால் சாம்சங் அதன் மிக விலை உயர்ந்த போன்களுக்கு மட்டுமே  Software Update கொடுக்கும் அதுவும் பல மாதங்களிற்கு பிறகே. 10 முதல் 25 ஆயிரம் விலையிலான போன்கள் வாங்கும் பொழுது என்ன Version இருந்ததோ அவ்வளவுதான் அதன் பின்பு எதுவும் எதிர்பார்க்க கூடாது.

மைக்ரோமெக்ஸ் இன்னும் மோசம் Software Update என்றால் என்ன என்று கேட்பார்கள்.

இவை இரண்டின் பெரும் பலமே கடைகள் மற்றும் ஷோரூம்களில் கிடைப்பது தான். விவரம் தெரியாத மக்கள் சென்று ஏமாந்து விடுகிறார்கள்.

 இப்பொழுது நிலை சற்றே மாறி உள்ளது பல சீன நிறுவனகளின் கண்கள் இந்தியா மேல் விழுந்துள்ளது. அவர்கள் தங்களது நேரடி விற்பனைகளை  Online Retailer களான Flipkart, Amazon, Snapdeal ஆகியோருடன்  கூட்டு சேர்ந்து விற்கிறார்கள்.

இந்த பதிவு உங்களுக்கு சற்றே உபயோகமானதாக இருக்கும் என்று நினைக்கிறேன், இதுபோல அவ்வபொழுது புதிய நிகழ்வுகள் மற்றும் புதிய போன்கள் பற்றிய பதிவுகள் இட முயற்சி செய்கிறேன்.


அவ்வளவுதான் நண்பர்களே, மீண்டும் சந்திப்போம்.
கிருஷ்ணா வ வே.

Read More